Habang naghahanap ng pinakabagong detalye tungkol sa Eraserheads reunion concert, nabasa ko sa isang Inquirer.net blog na may ibenebenta raw sa Internet na pekeng tiket sa halagang 50 libong piso. Pero mukha namang joke lang ito.

Ngunit paano kung hindi? At paano kung may mauto? Wala naman siguro. Sana naman ay wala.

Ilang buwan na ang nakalilipas, nagsulat ako sa Pinoy Gazette ng dalawang article na may tips para makaiwas sa online scam:

• Mag-ingat sa online scam
• Mag-ingat sa online scam 2

(more…)

Pinoy Gazette
August 24, 2008

Isang araw bago ang nakatakdang pirmahan sa Malaysia ng isang kasunduan sa pagitan ng gobyerno ng Pilipinas at ng Moro Islamic Liberation Front, kumilos ang Kataastaasang Hukuman upang ipahinto ito.

Ang kasunduan, na ang buong pamagat ay “Memorandum of Agreement on the Ancestral Domain Aspect of the GRP-MILF Tripoli Agreement on Peace of 2001″ ay kumikilala sa karapatan ng mga Bangsamoro na magkaroon ng sariling teritoryo at sariling pamahalaan. Palalawakin nito ang nasasakupan ng kasalukuyang Autonomous Region in Muslim Mindanao upang buuin ang Bangsamoro Juridical Entity (BJE).

Read more »

Sa araw ni Ninoy, nauubusan ako ng mga salita. Buwan pa naman ng pambansang wika. Pagod lang siguro ako sa mga balita. Giyera at bagyo. Paulit-ulit.

Sa trabaho, kinakailangan kong balikan ang mga pangyayari sa Mindanao sa nakalipas na taon. At t nakita kong paulit-ulit lang. Away-bati ang GRP at MILF. Walang hanggang traiduran.

Samantala, sa may may Ilog Pasig, may nakaluklok pa ring mga maharlikang huwad — tulad din noong kapanahunan ni Senador Benigno Aquino, Jr.

Ito pa rin ba ang bansang pinag-alayan ng buhay ni Ninoy?

Naging masugid na tagasuporta siya ng “war on terror” ni Pangulong George W. Bush ng United States. Nagdeklara siya ng state of emergency sa kanyang bansa. Sa ilalim ng kanyang diktaduryang rehime, ikinulong ang maraming mga aktibista para sa karapatang pantao at mga lumaban sa kanyang pamahalaan. Akusado ang kanyang administrasyon ng katiwalian at pandaraya sa eleksyon.

Mahigit walong taon na mula nang iluklok niya ang sarili sa kapangyarihan sa pamamagitan ng isang “bloodless coup.”

(more…)