Noong nasa kolehiyo pa ako, ang isang kaibigan ko’y may mga mga ‘di natapos na bagay o nakaligtaang pakikipag-ugnayan sa isang kaeskuwela niya noong high school. “Unfinished business,” wika nga niya. Hindi ko na matandaan ang lumang kuwento–kung naging sila ba o hindi–pero ang alam ko, tinulungan ko siyang muling makaugnayan ang kamag-aral na noo’y nasa ibayong dagat na.

Sa panaginip ko noong isang gabi, naroon ang kaibigan kong ito, at ang isa pa naming kabarkada noong kolehiyo. Kadalasan, ang panaginip ay ‘di basta-basta maunawaan at walang kawawaan. Ni hindi na nga kami nagkikita-kita nitong mga ikinukuwento ko sa inyo, pero ewan ako’t napanaginipan ko sila. Nakatambay yata kami sa simbahan, o naglalakad. Di ko na matandaan. Baka um-extra sila sa panaginip ko dahil sa Friendster. (more…)

Napanood namin noong Biyernes ang Harry potter and the Goblet of Fire. Para sa mga katulad kong mula sa simula pa’y sumubaybay na sa pakikipagsapalaran ni Harry at ng kanyang mga kaibigan, ang unang-unang pagbabagong mapapansin ay ang paglaki ng mga bata. Binatilyo na sina Harry at Ron, at dalagita na si Hermione. May selosan na ngang naganap bunso ng pamimili ng kapareha sa kanilang sayawan sa Hogwarts. (more…)

Sa apat na taong pag-aaral ko sa UP at paminsan-minsang pakikilahok sa mga rally, minsan ko lamang naranasan ang maluha dahil sa tear gas. Mainit at nakapagpapahapdi ito ng mga mata. Kahit hindi ka naiiyak, maluluha ka talaga.

Nangyari ito noong 1998, habang maigting na tinututulan ng mga mamamayan ang Visiting Forces Agreement o VFA. Bigla kaming sumugod sa harap ng US embassy, ngunit mabilis pa sa alas kuwatrong nakaresponde ang pulisya. Agad nila kaming pinaligiran, at kinalaunan ay naramdaman kong humahapdi ang aking mga mata. Hindi ko kaagad naisip na na-tear gas na pala kami. (more…)

Hindi na ito tungkol sa Pinoy Big Brother. Ibang brother na ito. Tungkol ito sa pelikula kung saan bumulalas si Nora Aunor ng “My brother is not a pig!”.

Ayon sa natanggap kong impormasyon mula sa Plaridel Papers e-group, ipapalabas ang Minsa’y Isang Gamu-gamo, pelikula ni Lupita Concio (na ngayo’y Lupita Kashiwahara na at katsokaran na ni Ate Glo), sa Shangri-la Cinema Complex sa ika-25 ng Nobyembre, 2005, Biyernes, bilang bahagi ng Feminist Centennial Film Festival. (more…)