Sa kanyang muling pagliliwaliw sa CyberSpace, dumaan siya rito at nagpahayag ng kagalakan sa pagkakatagpo ng isang website na nasusulat sa Filipino. At tulad ko, naghihimagsik din ang kanyang kalooban sa kahayupang ginagawa sa Mesopotamia ng mapagkunwaring pulis pangkalawakan.

Ngunit sa kabila ng kaguluhang kaakibat na yata ng buhay sa katimugan, siya’y masayahin, makulit at buhay na buhay. Isang fashionista, nangongolekta pa nga siya mga pantalong may tatak ng mapandigmang Imperyo, at kinukumbinsi ko siyang itigil na ang pagtangkilik sa ganoong produkto.

Mapagmahal sa musika, palakaibigan, totoong tao, at tulad ko’y adik sa Net, dalawang taon din siyang nawala. Sa kanyang pagbabalik, isang karangalang maging kaibigan ang popular na netizen na ito–napakabilis dumami ng mga pahina ng kanyang guestbook–si Abdul Aziz Ontok!

Sa gitna ng pagtutol ng buong daigdig, nagdesisyon na si US President George W. Bush na ituloy ang giyerang agresyon sa Iraq kung hindi aalis si Iraqi President Saddam Hussein sa kanyang bansa sa loob ng 48 oras. Ginawa ito ni Bush nang walang pahintulot ng UN Security Council.

“All the decades of deceit and cruelty have now reached an end. Saddam Hussein and his sons must leave Iraq within 48 hours. Their refusal to do so will result in military conflict commenced at a time of our choosing,” wika niya sa isang talumpati kanina.

Subalit hindi naitago ni Bush ang hayag na lihim ng tunay na dahilan ng pag-atake, ang pag-iimbot ng US sa langis ng Iraq:
(more…)

Hindi ko na maalala kung tatlo o apat na araw na ba akong umaga na natutulog. Umaga, na ang ibig sabihi’y lagpas nang ika-walo ng umaga. Medyo naiba kanina, dahil ika-apat pa lamang ay tumba na ako. Pero hindi ‘yan dahil sa kape. Lalong hindi dahil sa sex (ano ‘yun?) o kaya’y sa drugs!
(more…)

Muling lumilipad si Darna, ang Pilipinang superhero na nilikha ni Mars Ravelo at namayagpag sa daigdig ng komiks, pelikula, at telebisyon mula pa dekada 50.

“Dumarating ako sa ngalan ng kapayapaan at katarungan… Pumarito ako upang labanan ang kadiliman,” ang pahayag ni Darna sa pinakabagong komiks na nagtatampok sa kanya, ang “Mars Ravelo’s Darna Golden Anniversary Book” ng Mango Comics.

Ang “Mars Ravelo’s Darna” ay isang serye na may tatlong bahagi, at nilikha para sa bagong salinlahi ng mga mambabasa. Si Boboy Yonzon ang smulat ng kuwento at ang mga larawan ay iginuhit naman nina Ryan Orosco at Gilbert Monsanto. Inilalarawan ng bagong komiks–na sa kasamaang palad ay nasusulat sa wikang English, ngunit may pailan-ilang tilamsik ng Tagalog mula sa mga terorista at alalay–sina Darna at Narda bilang makabago, maganda, matalino, at seksi ngunit matapang at palabang babae. (more…)